PM Modi-a'n CBI kum 60 tlin lawmna hawngPM Modi-a'n CBI kum 60 tlin lawmna hawng

Prime minister Narendra Modi chuan nimin khan Central Bureau of Investigation (CBI) kum 60 tlin lawmna, Diamond Jubilee celebration chu Delhi-a Vijay Bhawan-ah a hawng.

PM Modi hian President's Police Medal for Distinguished Service leh, Gold Medal for Best Investigating Officers of CBI chawimawina dawngtute hnenah medal a sem nghal a ni. Hei bakah hian Shillong, Pune leh Nagpur-a CBI office tharte virtual hmangin a hawng bawk. CBI Diamond Jubilee lawmna puala postage stamp leh coin siam chu Prime Minister hian a tlangzarh bawk a ni.

Prime Minister chuan institution rintlak leh thiamna tak tak tel lo chuan ram ṭha leh changkang a din theih loh tih sawiin, hemi kawngah hian CBI pawhin mawhphurhna sang tak an nei a ni, a ti. "CBI mawhphurhna pawimawh ber chu India ram aṭanga eirukna umbo a ni," tiin eiruk leh hlemhletna chu democracy leh justice kawng daltu lian ber a ni, a ti.