China-in AP an ram chin a nih thu sawi leh

China-in Arunachal Pradesh-a hmun 11 hming a phuah ṭhat chu sorkar laipuiin a hnawl thu a sawi hnuah, China chuan AP chu China ram chin a nih thu a sawi nawn leh.

China foreign ministry thupuangtu Moa Ning chuan, "Zangnan (Arunachal Pradesh) hi China ram chin ngei a ni. State Council-a geographical name buaipuitute leh China sorkara thuneitute chuan Zangnan-a hmun ṭhenkhat hming hi an phuah a ni. Hei hi China in a ram china a thuneihna, a dikna chanvo neih hmanga a tih a ni," tiin a sawi.

Ministry of external affairs thupuangtu, Arindam Bagchi chuan Thawhlehni khan Arunachal Pradesh chu India ram chhung ami a ni a, a ni reng dawn tiin China-in hming a phuah tharte list a tihchhuah hnu khan a sawi a ni.

US pawhin China-in India ram china thuneihna rawn neih a tum chu na taka a dodal thu a lo sawi tawh bawk a, White House press secretary Karine Jean-Pierre chuan US-in India ram china hun rei tak aṭanga a lo pawm tawh China-in luah tuma hming a pharh tharte chuan a dodal tlat tih a sawi.