Road transport and highway sector-ah project tihkhawtlai tam ber

Sorkar laipui report-in a tarlan danin, road transport and highway sector-ah project tihkhawtlai a tam ber a, railways-in dawtin petroleum industry chu project tihkhawtlai tam lamah pathumna a ni bawk.

Road transport and highway sector-ah hian project 717 zingah tihkhawtlai 407 awm mekin, railways-ah 114 leh petroleum industry-ah 86 a awm bawk a ni.

Infrastructure and Project Monitoring Division (IPMD) chuan central sector infrastructure project, Rs vbc 150 chinte a endik a, project thawktu agency-ten Online Computerised Monitoring System (OCMS)-a information an pek aṭangin report hi a tichhuak a ni. IPMD hi ministry of statistics and programme implementation hnuaiah a awm a ni.

Report chuan project tihkhawtlai rei ber chu Muneerabad-Mahaboobnagar rail project a nih thu tarlangin, thla 276 zet tihkhawtlai a ni tawh. A dawtah Udhampur-Srinagar-Baramulla rail project awmin, hei pawh hi thla 247 chhung tihkhawtlai a ni. Belapur-Seawood-Urban Electrified Double Line pawh project thawh zawh hun tura ruahman aṭangin thla 228 a pel tawh bawk.

Rs vbc 150 leh a chunglam, central sector infrastructure project 1,418 aṭangin project 823 zet chu a tira zawh hun tura ruahman aiin tihkhhawtlai vek an ni a, proejct 159 chu hun pek belh niin heng zingah hian mega project, Rs vbc 1,000 leh a chunglam 38 a tel a ni.

Road transport and highway sector-a project 717-te thawhna tur atan a tirah Rs vbc 3,97,255.47 ruahman a ni a, mahse project tam tak tihkhawtlai a nih hnuah ennawnin Rs vbc Rs 4,14,400.44-ah ruahman ṭhat leh a ni. Kumin February thla thleng khan project thawhna tura sum ruahman aṭangin Rs vbc Rs 2,33,007.06 hman a ni tawh a, hei hi project pum thawhna tur aṭanga 56.2% a tling pha.

Railways-ah pawh project siam zat, 173 thawhna tura a tira sum ruahman chu Rs vbc 37,2761.45 niin, ennawn a nih hnuah Rs vbc 6,26,632.52-ah tihpun a ni. Project thawhna tur sum aṭanga 60.5%, Rs vbc 3,79,380.95 chu hman a ni tawh bawk.

Petroleum sector-ah project thawhna tura sum ruahman, Rs vbc 3,85,117.08 aṭangin kumin February thla thleng khan Rs vbc 1,44,162. 3 hman a ni tawh bawk a ni.