PM Modi-a'n tiger census data tlangzarh

Prime minister Narendra Modi chuan Pathianni khan India rama sakei awm zat chhiarpui neih hnuhnung ber, tiger census 2022 data a tlangzarh.

Data-a tarlan danin, kum 2022-ah India ramah sakei 3,167 an awm a ni. Kum 2006 khan sakei awm zat hi 1,411 niin, 2010-ah 1,706, 2014-ah 2,226 leh 2018-ah 2,967 an ni.

Prime Minister hian Karnataka-a 'Project Tiger' kum 50 tlin lawmna puala inkhawm buatsaihah data thar hi a tlangzarh a, sakei leh sakeibaknei venhimna leh humhalh hna thawhna tur, ‘International Big Cat Alliance’ pawh a hawng nghal bawk. Hei bakah hian kum 25 lo awm tura sakei humhalh an nih chhoh dan tur hmathlir, 'Amrit Kaal Ka Tiger Vision' tih booklet a tlangzarh nghal bawk.