Ukraine deputy foreign minister a rawn zin

Ukraine first deputy foreign minister, Emine Dzhaparova chu nimin khan ni li cham turin India ramah a rawn zin. Nikum February thlaa Russia-Ukraina te indo hnua Ukraine official zinga India ram rawn tlawh hmasa ber a ni.

Dzhaparova hian ministry of external affairs (MEA)-a secretary (West) Sanjay Vremna kawmin, ram pahnihte inlaichinna chungchang leh Ukraine ram dinhmunte an sawidun ang. Minister of state for external affairs and culture Meenaskhi Lekhi leh deputy national security adviser Vikram Misri-te pawh meeting a neihpui dawn bawk.

Russia-Ukraine te inkara buaina thleng mek chu inbiakna hmang chauha chinfel theih a ni ang tiin prime minister Narendra Modi chuan a lo sawi tawh a, boruak ṭha a awmna tura hmalaknaah pui turin India chu a inpeih reng a ni, a ti. PM Modi hian indona thlen hnu hian Ukraine president Volodymyr Zelenskyy leh Russia president Vladimir Putin-te pawh ṭum eng emaw zat a be tawh a ni.