J&K-ah 2G internet leh broadband hmang leh thei tawh dawn

Jammu and Kashmir thuneitute chuan nimin aṭanga khan an state chhungah 2G internet service leh broadband hman leh theih a nih thu an puang.

 

Sorkar laipuiin nikum August 5-a J&K special status 370 a hlihsak hnuah, tun thlengin J&K-ah hian internet service mumal a la awm lo. Jammu-a district pangaah te chuan 2G internet service tih nun leh a ni a, damdawi-in, bank, hostel leh institution pawimawh chinah broadband hman leh theih a ni bawk.

J&K home depart­ment principal secretary, Shaleen Kabra chuan internet hmangtute hian social media site-te chu an lut thei dawn lo tih sawiin, message pawh an thawnchhuak thei dawn lo tih a sawi. Kar kal ta Zirtawpnia Supreme Court-in Jammu and Kashmir thuneitute hnena internet hman khapa tihtawp chungchang ennawn tura a hriattir vangin J&K hmun ṭhenkhatah internet service hi tihnun leh nia ngaih a ni. SC chuan internet hman chu fundamental right, consti­tution-in a venhim tlat a nih thu a puang a ni.