Sachin Pilot-a'n chaw ngheia nawrh huaihawt

Rajasthan deputy minister hlui, Congress party hruaitu Sachin Pilot chuan nimin khan Jaipur-a Shaheed Smarak-ah eiruk leh hlemhletna duh lohna lantirin chaw ngheia nawrh a huaihawt.

Sachin Pilot hian an state-a sorkar hmasa, Vasundhara Raje kaihhruai BJP sorkara eirukna hrang hrang thleng nia sawi chungchanga action lak a phut a ni. Rajasthan-a rorellai, party lama a elpui Ashok Gehlot kaihhruai Congress sorkar chu sorkar hmasa thil tih dik loah hian hma la tawk loah a puh bawk.

Gujarat-a Congress hruaitu pahnih, Pilot leh Gehlot-te an state-a hruaitu dinhmun inchuh chungchangah an la inep na hle. CM Gehlot chuan Pilot-a'n hma la ṭha tawk loa a puhna chu a dik lo niin a sawi. Nawrh a huaihawt tum pawh hian Congress sorkar a kaihhnawih tel dawn avangin party kalh zawnga che angah a lang thei dawn a, hei vang hian kaltlangpui lo turin party hruaitute pawh an ngen a, mahse Pilot hian nawrh hi a huaihawt ta tho a ni.