Surat Court-in Rahul Gandhi-a ngenna thehluh ngaihtuah
Gujarat-a Surat court chuan Congress hruaitu, Rahul Gandhi-a'n defamation case-a thiam loh chantir a nihna 'stay' tura a ngenna a thehluh chu nimin khan a ngaihtuah.
Kum 2019-a 'Modi surname' chungchanga a thusawi avangin Gujarat-a BJP MLA Purnesh Modi chuan Rahul Gandhi lakah hian defamation case a thehlut a, Surat court chuan he thubuaiah hian Gandhi chu thiam loh chantirin kum hnih tang turin a hrem. Court-in thiam loh a chantir leh, tang tura hremna a pek tukah, Rahul Gandhi hi Lok Sabha member a nihna hlihsak a ni zui nghal a ni.
Rahul Gandhi-a'n Surat Court-ah thiam loh chantir a nihna 'stay' tura ngenna a thehluh hi a laka complaint thehluttu Purnesh Modi chu a lo dodal nghal a, Congress hruaitu hian midang chungchang mawi lo taka sawi fo a ching a ni, a ti.
Gandhi hian court thutlukna siam chungchangah jugde Mogera hnena appeal a thehluhah, thiam loh chantir a nih dan chu thil dik tawk lo leh pawmawm lo tak a nih thu a sawi.