ICMR-in Covid-19 test kalphung thar siam

Indian Council of Medical Research (ICMR) chuan Covid-19 test kalphung chu ennawnin, ram dang aṭanga haw he hri kaihhnawih zulzuia dam lohna neite (symptomatic influenza like illness ILI) te chu ni 7 chhunga test tura tih an ni. 

    ICMR-in Covid-19 test kalphung  thar a duante chu 

1)     Ni 14 liam ta chhunga ram pawn aṭanga rawn haw, Covid-19 hri natna kaihhnawih zulzuia dam lohna (ILI) neite test an ni ang.

2)     Laboratory aṭanga kai an hmuhchhuahten ILI contact an lo neihte chu test vek an ni ang. 

3)     Covid-19 dona kawnga hmatawngtu healthcare worker zingah ILI  symptom neite test vek an ni ang.

4)     Severe Acute Respiratory Infection (SARI) nei zawng zawngte test an ni ang.

5)     Hotspot emaw containment zone-a awm, ILI symptom neitte chu test tur.

6)     Damdawi-ina dam lo awm, ILI symptom nei chu test vek tur an ni bawk.

7)     State pawn aṭanga haw emaw pem lut, ni 7 chhunga he hri kaihhnawiha dam lohna (ILI) nei chu test tur.

8)     Hri kaiten high-risk contact an neihte chu ni 5-10 chhungin test neih tur. 

9)     Test indaih loh chhuanlamin emergency procedure tihkhawtlai a ni tur a ni lo. 

    ILI case hi ICMR chuan khuh leh khawsik neite an ni tiin a sawifiah deuh ber a, SARI neite hi khawsik leh damdawi-ina awmte chauh an ni tiin a hrilhfiah bawk. Heng guideline thar a siamahte hian RT-PCR test hman tur a ni.