India rama Ambedkar lim sang ber hawng

Telangana chief minister K Chandrasekhar Rao chuan nimin, Dr BR Ambedkar pianchampha vawi 132-na pualin, feet 125-a sanga a lim siam chu a hawng.

‘Architect of Indian Constitution’ tia sawi, Dr Ambedkar lim hi Hussainsagar kamah siam a ni a, a lim hi feet 175-a sang niin, a bulṭhut hi ft 50 bial a ni. Lim hi ton 474-a rit niin, stainless steel ton 360 leh bronze ton 114 hman a ni.

He lim hi sculptor lar, Noida-a Ram Sutar Art Creation neitu Ram Vanji Sutar (98) leh a fapa Anil Ram Sutar (65)-te design a ni. Anni hian khawvela milim sang ber, Gujarat-a Sardar Vallabhbhai Patel lim, feet 597-a sang, Statue of Unity an lo design tawh bawk.

Telangana-a Dr Ambedkar lim siamna atan hian Rs vbc 146.50 ruahman niin, KPC Project Limited in an thawk a ni. He lim awmna hmun hi acre 11 chuanga zau a ni a, a chhevel pawh chei niin car 450 park theihna hmun pawh siam a ni bawk. A bul ṭhut aṭanga a chhip thlen chhoh theihna tur hian lift pahnih dah a ni.

Milim hi Ambedkar hming chawi veka phuah, state secretariat building thar bulah dah a ni a, secratriat complex hi April 30-ah hawn a ni dawn tih Chief Minister Office (CMO) chuan a tarlang.