Afghanistan-a wheat thawnna turin WFP nen MoU ziak

Sorkar laipui chuan Afghanistan mipuite tana wheat thawnna turin Ningani khan World Food Programme (WFP) chu Memorandum of Understanding (MoU) a ziahpui.

Mumbai-ah ministry of external affairs official leh United Nations WFP aiawhten inremna hi an ziak a ni. WFP chuan Afghanistan mipuite zinga a mamawh zual hnenah rang taka wheat thawn a nih theihna tur hian infrastructure pawh an nei vek tawh tih a sawi.

India hian thla hmasaa India Central Asia Joint Working Group on Afghanistan meeting neihah khan, Iran port Chahbahar kaltlangin Afghanistan tan wheat MT 20,000 a thawn tur thu a lo sawi tawh a ni.

India rama WFP representative and country director, Elisabeth Faure chuan India sorkarin Afghanistan mipuite ṭanpuina a pe tur chu lawmawm a tih thu sawiin, Afghanistan mipui maktaduai tel chu chhawmdawl leh ṭanpui ngaiin an awm a, India puihna hi chhungkaw tam tak innghahna leh, WFP hmalakna a puihna ropui tak a ni, a ti.

Afghanistan-a Taliban sorkar chu India chuan pawm lo mah se, an ram mipuite chhawmdawlna tur erawh chu a pek zel tur thu a sawi.