APP-in an candidate tur 70 ruat fel

Aam Aadmi Party (AAP) chuan Thawh­lehnni khan Delhi Assembly inthlan an hmachhawn tur atan, an 'political affairs committee' thuchhuah angin an candidate tur 70-te an ruat fel.

Delhi chief minister Arvind Kejriwal chu a tlinna bial ngai New Delhi (constituency) ah ding leh dawn a, Deputy CM Manish Sisodia pawh Patparganj bialah bawk a ding leh ang. An khingpui BJP leh Congress chuan an candidate turte kimchang takin la puang chhuak lo mah se Congress lam chuan an candidate tur mi 14-te chu an tarchhuak ve tawh bawk.

Inthlan hmasa khan AAP hian hmeichhe can­didate 6 an nei a, kumin hian 8 a nei thung. Election Commission chuan ni 14 aṭang khan model code of conduct a puang tawh a, inthlan hi February 8-ah neih a ni dawn a, February 11-ah result puan a ni ang. Voter mi vaibelchhe 1,46,92,136 an awm a, chung zinga vote nei 80,55,686-te chu mipa an ni. Hmeichhia vote nei 66,35,635-an awm bakah, third gender vote nei 815-an awm bawk.