Agniveer recruitment online exam vawi khatna buatsaih

Sorkar laipuiin sipaia ṭang tur lak dan thar a duan, Agnipath scheme hnuaia recruitment online exam vawi khatna chu Indian Army chuan nimin aṭang khan a buatsaih.

Online hmanga Common Entrance Exam hi ram chhung hmun 176-a Examination Centre 375-ah neih a ni a, April 26 thleng a awh ang.

Indian Army chuan technology lama hmasawnna umpha tur leh, Digital India kalpui zelna atan online exam hi buatsaih a ni tih thuchhuah siamin a tarlang.

Kumin aṭangin recruitment hi stage pathumin kalpui a ni dawn a, a stage hmasa berah candidate zawng zawng chuan Online CCE (Common Entrance Exam) hi an hmachhawn ang. A stagte hnihnaah Online CCE paltlangte hian Army Recruitment Office-in hmun a thlanah Physical Fitness Test leh Physical Measurement Test an nei leh dawn a ni. Stage thumnaah chuan candidate thlanchhuahte hian Medical Test an nei leh ang. Hemi zawh hian thlante chu merit list-in puanchhuah an ni tawh dawn a ni.