India presidency-na hnuaiah G20 meeting vawi 100 buatsaih tawh

India-in Group of 20 (G20) Presidency dinhmun a chelh hnuah, G20 meeting hi vawi 100 buatsaih a ni tawh.

G20 meeting vawi 100-na hi Thawhṭanni khan Varanasi-ah chief agricultural scientist-ten an nei a ni.

India chuan G20 presidency dinhmun a chelh hnuah, G20 member ram leh guest country aṭangtein thlawpna a hmu ṭha hle tih a sawi. Presidency dinhmun a chelh chhung hian meeting hi vawi 200 chuang a buatsaih dawn a, khawpui hrang hrang 60-ten an thleng dawn a ni. Heng zinga khawpui 41-te chuan meeting hi a thleng tawh a ni.

Thla tharah hian Sringarah-ah tourism working group meeting neih a ni dawn a, he hunah hian member ramte chu an tel vek beisei a nih thu official-te chuan an sawi.

G20 presidency hi nikum November 16-a G20 Bali Summit-ah khan prime minister Narendra Modi hnenah hlan niin, nikum December 1 aṭang khan India chuan G20 presidency dinhmun hi chelh ṭanin, nakkum November 30 thleng a chelh dawn a ni.