Nepal President damlo enkawl turin rawn hruai

Nepal president Ramchandra Paudel chu nimin khan India rama enkawl turin rawn hruai a ni.

President Pautel hi thawk lamah harsatna neiin, tun thlaah ṭum hnih damdawi-in panpui a nihna a ni. Thawhlehni khan TU Teaching Hospital-ah dah a ni a, nimin khan air ambulance hmangin India ramah rawn hruai a ni a, All India Institute of Medical Sciences, (AIIMS), New Delhi-ah enkawl a ni ang. A fapa Chintan Paudel leh sorkar official ṭhenkhatin a rawn zui.

April 1 khan a pum na avangin President Pautel hi damdawi-inah dah a lo ni tawh a, kar liam ta khan rawn na lehin damdawiin luhpui leh a ni. Thawhlehni khan chest infection a nei tih hriat a ni a, India ram rawn panpui a ni ta a ni. Nepal cabinet meeting chuan President enkawlna buaipui tur hian health secretary kaihhruai, government official team tirh an rel a, team hian President natna leh a dinhmun chungchangte sorkarah report a pe dawn a ni.