Sorkar laipuiin mahni anpui neih chungchangah state-te ngaihdan lak dil

Sorkar laipui chuan nimin khan Supreme Court-ah affidavit thehlutin, court-in mahni anpui inneih, same-sex marriage chungchanga petition thehluhte a ngaihtuah mekah, state leh Union Territory-te ngaihdan lak a dil.

Affidavit-ah hian anpui inneih chungchang chu legislative huam chhung a nih avangin, state leh UT tinte ngaihdan hriat chu thil ṭul a ni tiin a tarlang. Ni 10 chhungin state leh UT-te chu an ngaihdan hi thehlut turin a ti a ni.

Sorkar laipui chuan mahni anpui neih phalsak ngenna hi a dodal a ni. Supreme court chuan petition a ngaihtuahnaah hian personal law chungchang a ngaihtuah tel dawn lo a, Special Marriage Act bik a ngaihtuah dawn tih a sawi.