CBI-in Oxfam India lakah FIR ziaklut

Central Bureau of Investigation (CBI) chuan Oxfam India chu Foreign Contribution Regulation Act (FCRA) bawhchhiaa puhin FIR a ziaklut a, Nilaini khan Delhi-a an office pawh a dapsak bawk.

Oxfam laka FIR thehluhah, Income Tax survey neihah an email-a inbiakna an hmuhah, Oxfam India chuan sorkar laipui chuan ramdang sorkar leh institution-te kaltlanga an FCRA registration tihnun tir leh tuma nawr an tum tih hmuhchhuah a ni, a ti. Hei hian Oxfam India chu ram danga organisation-ten hmanruaah an hmang tih a langchiang a ni, a ti bawk.

Home ministry chuan Oxfam India FCRA registration hi a la thi lo chungin, kawng dang hmanga fund lakluh dan kawng zawn an tum niin a sawi.

Kum 2013-14 le h 2015-16 inkar khan Oxfam India hian foreign contribution Rs vbc 1.50 chu direct-in a account-ah a dawng a, FCRA-designated account-a dawn tura danin a tih chu a bawhchhia a ni, tiin FIR-ah hian tarlan a ni bawk.