Amritpal Singh-a nupui Amritsar airport-ah hreng

Khalistani separatist hruaitu Amritpal Singh-a nupui, Kirandeep Kaur chu nimin khan London pana tlanchhiat a tum chu Amritsar airport-ah hren a ni a, thu zawhfiah nghal a ni.

Punjab police-te chuan Kirandeep hi United Kingdom citizen niin, UK passport a nei a, Punjab leh India ram chhung hmun dangah thubuai a nei lo tih an sawi. A pasal Amritpal Singh hi man tuma zawn mek a ni a, hei vang hian venthawn thilah a nupui pawh hi hren a ni tih an sawi bawk.

March thla khan Kiranedeep hi Amritpal Singh-a'n foreign aṭangin fund a dawng ṭhin nia sawi chungchangah thu zawhfiah a lo ni tawh bawk.

Amritpal Singh leh Kirandeep Kaur-te hi kumin February thla khan an innei a, an inneih hnu hian Punjab-ah awmin, Amritpal-te khua, Jallupur Kheda-ah an khawsa a ni. Amirtpal Singh hi man tuma zawn a nih hnuah thla khat dawn chu a bibo tawh a ni.