Rajasthan HC-in Speaker hnenah hriattirna pe

Rajasthan High Court chuan Assembly speaker CP Joshi hnenah nimin khan hriattirna a pe a, BJP hruaitu Madan Dilwara'n nikum September thlaa Bahujan Samaj Party (BSP) MLA parukten Congress party an zawm chungchanga petition a thehluh chungchanga chhanna pe turin a ti. 

Court chuan vawiinah petition hi a ngaihtuah leh dawn a ni. Nikum September thla khan BSP MLA parukte hian Congress party zawmna tur application an thehlut a, hei hi Speaker hian a lo pawmsak a ni. Dilawar chuan hemi chungchangah hian petition thehlutin, party pahnih inchhunfin dan chu ram danpui kalh a ni tiin, hnawl turin a ngen. Hei bakah hian Congress party zawmtu, BSP MLA parukte chu MLA an nihna hlihsak turin a phut bawk. 

Rajasthan-a Congress kaihhruai sorkar hi July thlaa deputy CM hlui Sachin Pilot leh a thlawptu Congress MLA 18-te chief minister Ashok Gehlot laka an hel avangin a buai mek a, August 14 hian assembly session neiin sorkar hi fiah a ni ang.