Sudan-a India mi tang khang mekte chungchang PM hoin ngaihtuah
Prime minister Narendra Modi chuan Sudan tualchhung indona thleng mekah, Sudan rama India mi tangkhangte dinhmun ngaihtuahin nimin khan high-level meeting a ko.
Sudan ramah hian India mi 4,000 vel an awm mek nia sawi a ni a, tualchhung indona thleng vangin Sudan khawpui, Khartoum-a chengte chuan ei leh in bakah damdawi lam thlengin harsatna an tawk a ni.
Ministry of external affairs chuan Sudan ram dinhmun chu an thlithlai reng thu leh, a ṭhenawm ramte pawh bepawhin, a ṭul dan azirin India mi awmte hruaichhuah hna pawh kalpui a ni dawn tih thuchhuah siamin a lo sawi tawh bawk.
Khartoum-a inbeihna thlengah hian India mi pakhat, Albert Augestine chu silai mu leng tawng fuhin hliam na tak a tuar hnuah April 16 khan a thi tih Indian Embassy chuan a sawi. A ruang hi India rama lak haw dan ngaihtuah mek a nih thu union miniter of state for external affairs V Muralledharan chuan a sawi.