Kerala-ah political party thar a ding

Kerala-ah political party thar, National Progressive Party (NPP) chu Inrinni khan din a ni.

National Minority Commissoiner member hlui, VV Augustine chu NPP chairman atan ruat a ni a, Kerala Congress deputy chairman hlui Johny Nellor chu working chairman-ah ruat a ni bawk. Congress MLA hlui Mathew Stephen leh K.D. Louisa-te chu vice chairman an ni a, general secretary atan Sunny Thomas, Joy Abraham, Thambi Erumelikkara, C.P. Sugathan, leh Elizabeth Kadavan-te ruat an ni bawk.

Augustine chuan tun kar chhung hian an party hi Election Commission-ah register a ni dawn tih sawiin, thla thum chhungin Ernakulam-ah party worker nuai khat punkhawmna party convention an huaihawt dawn tih a sawi bawk. NPP chu Kerala state chauh ni lo, state dangah pawh inzarpharh zel an tum tih a sawi.

"NPP hi independent outfit a ni a, political party dang - a bikin Congress, CPI(M) leh BJP-te awm tumna a nei lo", tiin Augustine chuan a sawi a, mahse nakkuma Lok Sabha inthlanpui lo awm turah erawh thawhpui tur an melh dawn tih a sawi bawk.