PM-in infiammite infrastructure ṭha pe turin Sports Minister-te ngen

Prime minister Narendra Modi chuan nimina Manipur khawpui, Imphal-a state leh Union Territory-a sports minister-ten 'Chintan Shivir' (brainstorming session) an neih chu virtual hmanga hmanpuiin, infiammite tana infrastructure ṭha pe turin central leh state minister-te chu thawkho ṭha turin a ngen.

India chu infiamna lama hmahruaitu a nih theihna turin, PM Modi chuan sports minister-te chu short leh long term goal te siam turin a chah bawk. Infiammiten experience ṭha an neih theihna turin, local level-ah competition tam zawk neih a ṭul thute pawh a sawi bawk. "Tournament tin tana sports infrastructure leh sports training te in focus a ngai a; short-term, medium-term leh long-term goal-te in neih a ngai a ni," a ti.

Khelo India Scheme chungchang pawh sawilangin, PM chuan district-level ah sports infrastructure lamah hmasawnna a thlen a, ministr-te chuan he hmasawnna hi block level-ah an kalpui leh a ngai a ni, a ti. Private sector-te an tel a pawimawh thu a sawi bawk.