SC-in hmeichhe wrestler-te petition thehluh ngaihtuah a remti

Supreme Court chuan hmeichhie wrestler pasarihten mipat hmeichhiatna lam hawia an chunga mawi lo taka chea Wrestling Federation of India president, BJP MP Brij Bhushan Sharan Singh an puhna chu thil serious, ngaihven zui ngai tak a ni, a ti.

Chief justice of India DY Chandrachud kaihhruai Supreme Court bench chuan hmeichhe wrestler-te petition thehluh chu ngaihtuahsak remtiin, Zirtawpni hian hearing a nei ang.

Wrestler-te aiawha ding, senior advocate Kapil Sibal chuan FIR thehluh an tum laia lo ziahluh sak duh lotu, police officer-te pawh thubuai siamsak a ni tur a ni, tiin mawi lo taka khawih an nih lai hian an zinga pakhat phei chu kum tling lo a ni, tiin a sawi. Sibal chuan, "An chunga mawi lo taka chea an puhna hi rorellai party MP a nih avangin FIR pawh an ziahluh sak duh lo a ni," a ti.