Congress MP Digvijaya Singh lakah defamation case ziak lut

Bhopal, Madhya Pradesh-a special court chuan BJP hruaituin complaint a thehluh behchhanin, Congress Rajya Sabha Digvijaya Singh lakah intihmingchhiaa puhna, defamation case a ziak lut.

MP leh MLA-te thubuai ngaihtuahtu, judicial magistrate first class Vidhan Maheshwari court chuan Nilaini khan Singh lakah thubuai hi ziaklutin, July 1 ṭangin hearing a nei ang. He thubuaiah hian thiamloh chantir a nih chuan, Indian Penal Code Section 500(punishment for defamation) hnuaiah kum hnih thleng lungin tantir theih leh, pawisa chawi tir theih a ni ang.

Madhya Pradesh state BJP president VD Dharma chuan kum 2014 khan Digvijaya Singh hian Vyapam scam-ah a inhnamhnawih ve nia a puh chungchangah defamation case hi a lo thehlut tawh a ni. Kumin February 4 khan special court chuan Singh-a'n he case-a bail a dilna chu a lo phalsak tawh bawk.

Vyapam scam hi Madhya Pradesh-a professional exam board, Madhya Pradesh Vyavsayik Pariksha Mandal (Vyapam)-in sorkar college-a entrance exam neihna leh hna danga thawktu a lakdan chungchanga thil fel tawk lo thleng chungchang a ni. Kum 2013 khan dik lo taka thiltih a nih dan hi hailan a ni a, he thilah hian politician, sorkara senior leh junior official leh sumdawng mite pawh eng maw zat an inhnamhnawih a ni.