Union cabinet-in nursing college thar 157 dinna tur pawm

Prime minister Narendra Modi kaihhruaia Cabinet committee on economic affairs meeting chuan, seat 100 zel awm theihna tur nursing college thar 157 dinna tur a pawm.

Union health minister Mansukh Mandaviya chuan health workforce mamawh zat a san chhoh zel avangin nursing college thar ṭhahnem tak hawnna tur thutlukna hi siam a ni tih a sawi.

India ramah hian B.Sc nursing zirna hi seat nuai 1.2 vel a awm mek. Sorkar enkawlna nursing college neih mek zinga 40% chu chhim lam state pali ami an ni tih Minister chuan a sawi bawk. Bihar-ah chuan B.Sc nursing degree zir theihna, sorkar nursing college hi pahnih chauh a awm a, Jharkhand-ah pakhat awmin, Uttar Pradesh-ah 10 a awm.

Nursing college thar 157 dinna tur hian Rs vbc 1,570 vel sen a ni dawn tih Mandaviya chuan a sawi a, sorkar chuan he project hi kum hnih chhunga zawh hman a tum a ni, a ti. Hnathawhte hi state/UT-a health/medical educaton principal health secretary-ten enpuiin, union ministry-te hmasawn dante an thlen ṭhin ang.