Pakistan ramri bulah ruihhlo phurtu Pakistan drone kap thla

Border Security Force (BSF)-te chuan nimin khan Pakistan ramri bul, Dhanoe Kalan khuaah Pakistan aṭanga drone rawn thlawk lut, heroin leh opium phurtu an kapthla tih an sawi.

BSF sipaite hian Drone (Quadcopter, DJI Matrice 300 RTK) an kahhthlakah hian heroin leh opium packet hnih ve ve hmuh ani tih an sawi a, heroin hi kg 2 niin, opium hi gram 170 a ni.

Nilaini khan BSF hian Pakistan lam aṭanga Amitsar sector-a drone rawn thlawk lut chu an lo kap tawh bawk a, mahse lo kap fuh lohin drone hi Pakistan lamah a kir leh nghal a ni. March 28 khan Amitsar-ah vek hian Pakistan drone kah thlak a ni a, Feburary 2 zanlai khan Pakistan aṭang drone rawn thlawk lut chu kahhthlak a lo ni tawh bawk.