SCO Defence Ministers' meeting neih a ni

Shanghai Cooperation Organisation (SCO) defence ministers' meeting chu nimin khan New Delhi-ah neih a ni a, reginal security leh a kaihhnawih thilte sawiho a ni.

Meeting hi defence minister Rajnath Singh-a'n a kaihruai a, meeting-ah hian China defence miniter Li Sangfu, Russia aṭangin Sergei Shoigu, Tajikistan aṭangin colonel general Sherali Mirzo, Iran aṭangin brigadier general Mohammad Reza Gharaei Ashtiyani, Kazakhstan aṭangin colonel general Ruslan Zhakyslykov-te an tel a, Pakistan defence minister Khawaja Asif erawh chu virtual mode kaltlangin a tel thung.

SCO hi kum 2001 Shanghai summit-ah Russia, China, Kyrgyz Republic, Kazakhstan, Tajikistan leh Uzbekistan president-ten an din a ni a, kum 2017 khan India leh Pakistan chu permanent member an ni. Economic leh security bloc lian tak niin, khawvela transregional international organisation lian ber pawl a ni chho tawh a ni.

Kum 2005 khan SCO-ah India chu observer atan dah niin, hemi hnu hian Eurasian region-a security leh economic cooperation chungchang ngaihtuahna, group ministerial-level meeting-ah pawh a tel chho a ni. SCO leh Regional Anti-Terrorism Structure (RATS) nena security kaihhnawiha thawhhona nghet zawk siam duhin permanent member pawh a ni zui ve ta a ni.

Rajnath Singh chuan SCO meeting chu member ramten an vaia an ngaihdan leh, an thil thlir dante an sawi chhuah theihna hun remchang tak a ni tiin, hmalak dan tur sawihona leh, harsatna awmte chinfel dan kawng zawnna tura platform pawimawh tak a nih thu a sawi.