PM Modi-a'n FM Transmitter 91 a hawng

Prime minister Narendra Modi chuan nimin khan virtual hmangin state 18 leh union territory 2-a district 84-ah FM transmitter 91 a hawng.

PM Modi chuan All India Radia (AIR) FM service hawn belh a ni chu All India FM siamna hmasawnna lian leh pawimawh tak a ni tiin, FM Transmitters 91 hawn thar chu district 84-a mi vaibelchhe 2 chuangte tana thilpek hlu tak ang a ni, a ti.

Union minister of information and broadcasting Anurag Thakur pawhin thu sawiin, thil chhinchhiah tlak a ni tih a sawi a, "Hei hi entertainment, sports leh farming kaihhnawha tualchhung mite hnena information pekna atan a ṭangkai dawn hle a ni. Maan Ki Baat hian radio nasa takin a rawn chawi lar leh a ni," a ti.

Prime Minister Office-in a tarlan danin, district 84-ah hian100 Watt FM transmitter hi dah an ni. FM transmitter hawn tharna hian sq mk 35,000 vela zau a huam ang.