Ludhiana gas leak vangin mi 11 an thi

Punjab-a Ludhiana-ah ei tur zawrhna aṭanga gas leak vangin nimin khan mi 11 an thi a, an zingah naupang pathum an tel. Mi dang 11 pawhin taksa lamah harsatna neiin damdawi-inah dah luh an ni bawk.

He thil thlenna hmun hi residential-cum-industrial area, Giaspurea a ni a, zing dar 7:30 vela thleng a ni. Gas putna hmunah hian zawhte pakhat thi hmuh a ni tel bawk a ni.

Punjab sorkar chuan gas put vanga thi chhungte hnenah zangnadawmna, Rs nuai 2 ṭheuh pek a nih tur thu leh, damdawi-ina enkawl ngaite chu Rs 50,000 ṭheuh pek an nih tur thu a puang nghal.

Grocery store chhungah hian deep freezer a awm a, heng freezer aṭang hian gas hi a put nia hriat a ni. Dawr chhunga lutte hi nikhawm hre loin an awm hlawm a, chhanchhuah tuma kalte pawh nikhaw hre loin an awm zui ve leh bawk. He dawr chhehvela chengte pawh sawnchhuah vek an ni.