Karnataka inthlan zawhah eptu pawl hruaitute inhmukhawm dan

Kum 2024 Lok Sabha inthlanpui neih turah BJP paihthlak an nih theihna atana eptu ṭangrual pawl siam tuma hmalakna kal zelah, Karnataka assembly inthlan neih zawhah Patna-ah eptu party hrang hrang hruaitute an inhmukhawm dawn niin Bihar chief minister Nitish Kumar chuan a sawi.

Janata Dal United (JDU) hruaitu, Nitish Kumar hian eptu pawlte thawhhona siam a nih theihna atan eptu party hruaitu ṭhenkhat a lo kawm tawh a ni. Meeting an neih turah hian eptu ṭangrual pawl dinna tur pawh ngunthluk zawkin an sawi dawn tih a tarlang.

West Bengal chief minister Mamata Banerjee chuan April 24-a Kolkata-a Nitish Kumar leh a deputy Tejashwi Yadav nena an inhmuh hnuah, eptu ṭangrual pawl din a nih theihna atan Patna-a non-BJP party meeting huaihawt turin a lo ngen tawh a ni.