Sorkar laipuiin mobile messenger Apps 15 a khap

Sorkar laipui chuan firfiakte dapchhuah tuma beihpui a thlak meknaah, firfiak pawlten an hman ṭhin nia sawi mobile messenger application 14 a khap tawh.

Mobile messenger apps a khapte hi a bikin Jammu and Kashmir-a firfiak pawlten anmahni thlawptute leh Over Ground Workers (OGW)-te biakna atan leh, Pakistan aṭanga instruction dawnna atan an hmang nasa niin a sawi.

Sorkarin messenger apps a khapte chu - Crypviser, Enigma, Safeswiss, Wickrme, Mediafire, Briar, BChat, Nandbox, Conion, IMO, Element, Second Line, Zangi, leh Threema te an ni.

Security leh intelligence agency-ten an chhui chianna aṭanga rawtna an thlen hnuah sorkar chuan hma a la zui ta a ni. Heng apps-te hian India ram security tana hlauhawm thei, dan siamte zawm lo nia sawi a ni. Sorkar chuan Information Technology Act, 2000-a Section 69A hnuaiah heng apps-te hi a khap a ni. Heng apps tam zawkah hian hmangtute nihna chu inbuilt feature-te chu midang hriat lohin dah theih a ni a, hei vang hian chhui an har phah hle nia sawi a ni.