Mahatma Gandhi tupa Arun Gandhi a thi

Mahatma Gandhi tupa, Arun Gandhi chu hun rei tak a dam loh hnuah nimin khan Kolhapur, Maharashtra-ah a thi.

Kum 89 mi author leh socio-political activist, Arun Gandhi hi nimin vek khan Kolhapur-ah vui nghal a ni.

Arun Gandhi hi kum 1934, April 14 khan South Africa-a Durban-ah a piang a, kum 1957 khan nurse Sunanda nen inneiin fa pahnih an nei. Sunanda leh Arun-te hi kum 1987 khan Canada-ah kalin, Memphis-a Christian Brothers University-ah kum 1991 khan MK Gandhi Institute for Non-violence an din. An nupa hian kum 1997-ah Gandhi Legacy Tour of India an nei.

Mahatma Gandhi tupa pangana, Arun Gandhi hian Hindu sakhaw vuantu niin a inchhal, mahse sakhaw dang chungchangah pawh thlir dan zau tak a nei. Kristian puithiamte nen pawh thawhhona ṭha tak neiin, a thuthlung vawnah hian Buddhist, Hindu, Islamic leh Kristian-te zirtirna pawh a tel hlawm a ni. Kum 2013 khan Parliament of the World Religions-ah Board of Trustees of the Council-ah thlan a ni.