Japan-in Indian engineer 1,000-te training pe dawn
Japanese expert-te chuan Mumbai Ahmedabd High Speed Rail Corridor (MAHSR)-a high-speed rail track system hman tur atan Indian engineer 1,000-te training an pe dawn.
Mumbai leh Ahmadebad inkara bullet train tlanna turah hian ballast-less Slab Track system, J Slab track system tia hriat lar chu hman a ni dawn a, he system hi Japanese Shinkansen high speed railway-a an hman ṭhin a ni.
Japanase track system hi a dangdaiin, rel kawng siam tur technician-te hian thiamna sang tak an neih a ngai a ni. National High Speed Rail Corporation Limited (NHSRCL) thupuangtu chuan, "HRS system-ah a kawng, track hi a pawimawh ber niin, fimkhur theihtawpa phah a ngai a ni," a ti.
Training hi course 15-chhung neih a ni dawn a, track work, site managers, track slab manufaturing, RC track bed construction, reference pin survey leh data analysis, slab track installation, CAM installation, rail weld finishing, enclosed arc welding leh turn out installation chu an zir tur zingah hian a tel. Heng course hrang hrangte hi Japan rama mithiam rual 20 velin Indian engineer, supervisor leh technician-te an zirtir dawn a ni.