Operation Kaveri hnuaiah thlawhtheihna ṭum 12 tir tawh

Sudan tualchhunga indona thleng vanga India mite hruaichhuah hna, Operation Kaveri kalpui mekna hnuaiah nimin khan a ṭum 12-na atan thlawhtheihna hmangin Jeddah aṭangin Mumbai-ah India mite phurh haw an ni leh.

Sudan rama India mi tangkhang mekte chu motor leh lawng hmangin Jeddah, Saudi Arabia-ah hruai phawt an ni a, heta ṭang hian thlawhtheihna hmangin India ramah phurh haw leh an ni.

External affairs ministry thupuangtu, Arindam Bagchi chuan, mi 231 chuanna thlawhtheihna chu nimin khan Mumbai pana a rawn thlawh chhuah thu a sawi. Thawhlehni zan khan mi 328 chu Delhi International Airport-ah phurh haw an lo ni tawh bawk. Sudan ram aṭang hian India mi 3,000 dawn hruai haw an ni tawh.

Sorkar laipui chuan Sudan rama India mi awmte chu hruai haw vek an nih theihna turin hma a la zel dawn tih a sawi a, hruai haw hna thawk tur hian April 24 khan Operation Kaveri hi a kalpui ṭan a ni.