Sorkarin anpui kawpte harsatna buaipui sak tur committee din remti

Supreme Court-ah mahni anpui nena inneih, same-sex marriage phalsak tura petition thehluhte ngaihtuah mekah, sorkar laipui chuan same-sex marriage chu na takin dodal mah se, anpui kawpten harsatna an tawh hrang hrangte buaipui sak tur committee erawh din a tum tih a sawi.

Nimin khan sorkar laipui chuan Supreme court hnenah mahni anpui kawpten joint bank account hawnna leh, insurance policy-a an kawppuite nominee-a dah tur chungchanga harsatna an tawh leh, thil danga buaina an neih hrang hrangte enpui tur committee a din dawn tih a hrilh a ni.

He committee hi cabinet secretary-in a ho dawn tih sorkar laipui aiawh, solicitor general Tushar Mehta chuan a sawi a, committee-ah hian ministry hrang hrang aiawhte pawh telh an ni dawn tih a sawi bawk.