World Press Freedom Index-ah India dinhmun tlahniam

Global media watchdog, Reporters Sans Frontiers (RSF), Reporters without Borders tih bawkin khawvel ram hrang hranga media mite zalenna tehkhawng a siamah India dinhmn a tlahniam hle.

World Press Freedom Index-2023 ah hian ram 180 tarlan zingah India chu 161-na a ni a, kum hnih a zawna a dinhmun a tlakhniamna a ni tawh. Kum 2021 khan 142-na aṭangin 150-naa a lo tla thla tawh a ni.

RSF annual report-ah hian India chu kum hmasa aiin point 11-in a tlahniam a, media miten an hnathawhna kawnga zalenna an neih dan dinhmun 'very bad' tia sawi ram pathum sawi zingah India hi a tel. India ramah journalist beihna, politics lama media mite thliarhrannate a thleng nasa tih report chuan a tarlang. Sorkar sawisel leh beitu, Indian journalist-te chuan tihnawmnah leh beih an tawk fo a ni, a ti.

RSF hian ram 180-a media mite dinhmun, zalenna an neih dante zirchiangin report hi a tichhuak a ni. Pakistan chu 150-na niin, Nepal chu 95-na ani a, Sri Lanka chu 135-na leh, Myanmar chu 173-na a ni.