J&K-ah LeT firfiak 2 that

Jammu and Kashmir-a Baramulla district-ah nimin khan security force leh firfiakte an inkap a, LeT firfiak pahnih kahhlum an ni.

Police-te chuan security force-te hian firfiak an awm thu an dawn hnuin Baramulla-a Wanigam Payeen Kreeri area-ah beihpui an thlak a, firfiakte hian search party hi lo kapin, an inbei zui a ni. Firfiak pahnih kahhlum niin, an bihrukna hmunah hian AK 47 rifle leh a mute hmuh a ni.

Firfiak pahnihte hi Laskhkar-e-Taiba (LeT) pawl ami, Shakir Majid Najar leh Hanan Ahmad Seh, Shopian district ami ve ve an nih thu ADGP Vijay Kumar chuan a sawi.

Nilaini khan J&K-a Kupwara district-ah inbeihnaah security force-ten firfiak pahnih an lo kaphlum tawh bawk.