Eptu pawl hruaituten ngenna siam

Manipur tualchhung buaina thleng mekah, eptu pawl hrang hrang hruaitute chuan boruak ṭha leh muanawm a awm theihna tura chak taka hma la turin prime minister Narendra Modi leh a kaihhruai sorkar an ngen.

Congress party hruaitu Rahul Gandhi chuan Manipur-a buaina thleng chu pawi a tih thu leh, Prime Miniter pawhin boruak muanawm a awm theihna tur chu a ngaihtuah vat a ṭul a ni, a ti. Hemi rual hian Manipur mipuite pawh inbengdai turin a ngen bawk.

Congress president Mallikarjun Kharge chuan Manipur tualchhung buaina chhuak chu BJP in inhuatna, inṭhendarhna politics a kalpui leh, thuneihna a duh lutuk nghawng a ni tih sawiin, state mipuite pawh boruak ṭha siam turin a ngen.

National People's Party (NPP) president, Meghalaya chief minister Conrad K Sangma chuan Manipur buaina chuan a rilru a ti na hle tih sawiin, boruak muanawm a awm leh theihna turin state mipuite chu theihtawp chhuah turin a ngen ve bawk.

Trinamool Congress (TMC) hotu leh West Bengal chief minister Mamata Banerjee chuan PM Modi leh Home Minister Amit Shah-te chu Manipur buaina tireh tura hma la thuai tura ngenin, politics leh inthlan vel buaipui hun a ni rih lo a, Manipur state venhim hmasa phawt a ngai a ni, a ti.