Ram chhunga hri kai mek awm zat tlahniam

Covid-19 hri rawn darh thar leh hnuah, hri kai hmuh chhuah zat an tlahniam leh ṭan tawh.

Union health ministry-in nimina data a tihchhuahah, Ningani khan ram pumah hri kai thar mi 3,611 hmuh chhuah an ni a, thihpui mi 36 an awm. Thi zinga mi pakua hi Kerala state mi an ni.

Hri kai mek, active case hi 33,232-ah a tla thla a, acticve case hi hri kai tawh aṭanga 0.07% a ni a; hri kai enkawl dam, recovery rate chu 98.74% a ni.

India ramah Covid-19 hri kai hmuh chhuah tawh hi mi 4,49,64,289 an awm tawh a, thihpui 5,31,642 an awm tawh bawk. Hripui thihpui hi hri kai aṭanga 1.18% an ni.

Covid-19 vaccine hi dose vaibelchhe 220.66 pek chhuah a ni. Ningani khan sample 1,72,263 test niin, hri len hnuah sample test tawh zawng zawng hi vbc 92.74 a tling tawh bawk.