VHP-in Congress president hnenah legal notice pe: Zángnadawmna Rs vbc 100 an phut

Vishva Hindu Parishad (VHP) chuan Congress party president Mallikarjun Kharge chu Karnataka assembly inthlan neih tura Congress party manifesto-ah an pawl hming tichhiaah puhin legal notice an pe a, zángnadawmna Rs vbc 100 an phut bawk.

Legal notice hi VHP Chandigarh leh youth wing Bajrang Dal-in May 4 khan pein, ni 14 chhung ngeia zángnadawmna an phut zat chu pe turin an ti bawk a ni. Hemi chungchangah hian Congress party lam chuan sawi engmah an la nei lo thung.

May 10-a Karnakaka assembly inthlan neih tur atan Congess party-in manifesto a tihchhuahah, sorkarna an chang a nih chuan chibing leh sakhua hmanga inhuatna thehdarh ṭhintu mimal leh pawl chungah na takin action an la zel dawn tih sawiin, hetianga ti ṭhin an sawi zingah Baijrang Dal leh Popular Front of India (PFI) hming pawh an tarlang tel a ni. A ṭul a nih chuan heng pawlte hi dan pawna hnawl thleng pawhin an ti dawn tih an sawi.