Congress-in EC show cause pek chungchang an chhang BJP hruaitute chunga action la duh loah ECI an puh

Election Commission of India (ECI)-in Karnataka Congress president DK Shivakumar hnenah Congress political advertisement tihchhuah chungchanga show cause notice a pek chu Congress party chuan chhangin, BJP hruaitute Congress party hruaitu sawichhiatna leh inhuatna lam hawi an sawi chungchangah action la ve duh loah ECI an puh.

Congress party-in advertisement an siamah, Karnataka-ah '40% commission (BJP) sorkar' tia sawi chu a finfiahna nen darkar 24 chhunga thehlut turin ECI chuan a hriattir a ni.

Senior advocate leh Congress Rajya Sabha MP Abhishek Singhvi chuan poll body hriattirna pek hi chhangin, eptu hruaitute bitumah a puh. Congress party chuan Prime minister Narendra Modi, union home minister Amit Shah, BJP president JP Nadda leh UP chief minister Yogi Adityanath bakah BJP hruaitu dangten an campaign-naah Congress hruaitute tihhmingchhiatna leh, inhuatna chawk tho thei lam zawng thu an sawina 11 pawh an tarlang zui bawk. BJP hruaitute thusawi chungchangah ECI-ah complaint an thehlut chungin an chungah action lak a ni lo tih an sawi bawk.