Ni 3 cham turin Israel Foreign Minister a rawn zin

Israel foreign minister Eli Cohen chu ni thum cham turin nimin khan India a rawn thleng a, official-a a rawn zin ṭum khatna a ni.

Eli Cohen hian a foreign minister S Jaishankar chu meeting a neihpui dawn a, India leh Israel thawhdunna tihzau leh tihnghet dante an sawidun ang. Nimin khan Israel Export and International Cooperation Institute-in Confederation of Indian Industry (CII) India-Israel Business Forum a buatsaih a hmanpui nghal a ni.

Nimin tlai khan Cohen hian Agra a pan nghal a, vawiinah Agra-a programme buatsaih hmanpuiin, tlaiah Delhi a pan leh ang a, naktukah Mumbai-ah hun hmang turin a kal leh ang.

Kumin March thla khan Israel economy minister Nir Barkat chu India a rawn tlawh tawh a, sumdawng aiawh eng emaw zat rawn hruaiin automotive technology leh fintech lamah ram pahnihte thawhdun dan turte an lo sawiho tawh a ni. March thla khan Israel parliament, Knesset speaker Amir Ohana leh Parliament member-ten India an rawn tlawh tawh bawk.