Punjab-a sorkar office-ten hnathawh hunbi thar hmang mek

Punjab sorkarin power-a a sum sen tam lutuk tihziaawmnan leh, hna ṭha zawka thawh a nih theihna atana sorkar office-a hnathawh hunbi thar a siam chu an hmang mek.

Kar liam ta aṭang khan hnathawh hunbi thar, zing dar 7:30 aṭanga chawhnu dar 2 thleng chu office hrang hrangah hman ṭan a ni. Punjab sorkar chuan office timing thar a siamah hian, a hmaa chhun chawlh, darkar chanve a siam tel chu a titawp.

Sorkar hnathawkte hi zing dar 7:30-ah office-ah kimin hna thawk ṭan tur a tih an ni a, a kar lakah chawlh awm loin chawhnu dar 2 thleng an office a ni. He hunbi thar hi July 15 thleng hman tura tih niin, hnathawh hunbi thar an siam aṭang hian sorkar chuan power leh thil danga a sum senral Rs vbc 40-42 vel a hum thei dawn niin official-te chuan an sawi.Punjab-a sorkar office-ten hnathawh hunbi thar hmang mek