MP-a Kuno National Park-a Cheetah thih belh leh

Madhya Pradesh-a Kuno National Park-ah Thawhlehni khan cheetah nu pakhat a thih belh leh a, ni 42 chhungin Park-a cheetah pathum an thihna a ni.

Union environment ministry chuan Thawhlehnia thi, cheetah 'Daksha' tih hming phuah hi Project Cheetah hnuaia South Africa aṭanga lakluh zinga mi a ni tih a sawi. Thawhlehni zing khan monitoring lam chuan hliam na tak a tuar tih an hmu a, a hliam hi cheetah pa nen an insualna aṭanga a neih nia hriat a ni tih an sawi bawk. Daksha hliam hi enkawl nghal ni mah se, an chhan zo ta lo a ni.

March 27 khan Nimibian cheetah, Sasha chu a kal (kidney) lam ṭhat loh vangin a thi a, April 23 khan South Africa aṭanga lakluh zinga mi, cheetah Uday chu an khung hranna aṭanga chhuah a nih aṭanga kar khat chuang awrhah a thi leh bawk. Uday hian neuromuscular symptoms a nei niin an sawi.

Sorkar laipui chuan Project Cheetah hnuaiah kum 2022, September 17 khan Namibia aṭangin cheetah pariat a lalut a, kumin February 18 khan South Africa aṭangin cheetah 12 a lalut leh bawk.