Mamata Banerjee-i'n PHC tan 'Diploma Doctor' siam rawt

West Bengal chief minister Mamata Banerjee chuan an state-a doctor indaihlohna nasa tak awm mek tihziaawm a nih theihna atan, primary health centre-a awm turte tan 'Diploma Doctor' course siam a rawt.

CM Banerjee chuan health secretary Narayan Swarup Ningam hnenah, engineering diploma-te a awm ang bawkin, diploma doctor course siam theih dan tur hi ngaihtuah turin a ngen. "Diploma course for doctor hi siam a nih chuan, zirlai tam takin he course hmang hian an zir thei dawn a, hei hian doctor indaih lohna tam tak a phuhru thei dawn a ni," a ti. Hei bakah hian an state-a nursing training institute 100 chuang hawn belh a nih theih dan tur ngaihtuah turin official-te chu a ngen bawk.