Haryana-in zu chhiah aṭangin bawng enkawlna tur dah hrang dawn

Haryana-a BJP sorkarin exise policy a siam tharah, zu chhiah an lak aṭangin state chhung bawng enkawlna tur sum dah hran zel a ni dawn.

Zu bur pakhata chhiah lak aṭangin Rs 5 zel bawng pual hian dah hran a ni dawn a, he sum hi bawng venhim leh humhalh a, an awmna tur hmun sakna tur atante hman a ni ang. Official-te chuan exise policy hnuaiah hian financial year kal mekah hian bawng pual hian Rs vbc 400 vel an hmuh theih an beisei thu an sawi.

Haryana Gau Seva Aayog vice-chairman, Puran Yadav chuan fund hi hmun hrang hranga bawng chenna tur hmun sakna atan hman a ni dawn tih a sawi. "Tunah hian state pumah bawng enkawlna hmun hi 650 a awm mek a, heng zingah stray cow nuai 5 vel dahna pawh a tel a ni. Bawng chhanchhuah hna hi thawh chhunzawm zel kan tum a, an awmna tur hmun pawh a leta tihlen kan tum a ni," a ti. Thla ruk hnuah chuan state chhunga stray cow awm loin, chhanchhuah vek a, damdawi hmanga enkawl a, eitur ṭha pek theih vek an tum tih a sawi bawk.

Jawahar Yadav, officer on special duty (OSD) to Chief Minister chuan, bawng venhim leh humhalh chu state sorkarin a ngaih pawimawh zinga mi a ni tih sawiin, he hna thawk tur hian police 300 ruat an ni tih a sawi.