Hospital-a kangmei chhuakah damlo pariat thi

Gujarat state-a Ahmedabad khawpuiah nimin zing khan Shrey Hospital-a intensive care unit-ah kangmei a chhuak a, dam lo enkawl lai, Covid-19 kai mi pariat an thi. 

Kangmei hi nimin zing dar 3 vela chhuak a ni. Ahmedabad Fire and Emergency Services-a additional chief fire officer, Rajesh Bhatt chuan staff zingah pakhat chu a PPE a kan avangin tihreh tumin a tlanchhuak a, mahse reh mai loin ward chu a kangkai ta zawk a ni, a ti. Damdawiina dam lo enkawl  lai mi 35 chu hmun dangah sawn nghal an ni. 

Prime minister Narendra Modi chuan hospital-a chhiatna thleng chu pawi a tih thu sawiin, kangmei chhuaka thi chhungte chu cheng nuai hnih ṭheuh pek an nih tur thu a sawi.