Hri kai mek awm zat tlahniam zel

India ramah Covid-19 hri kai mek, active case awm zat an tlahniam zel a, hri leng dinhmun pawh a ziaawm chho leh tawh hle.

Nimin zinga union health ministry data tihchhuahah, Thawhṭanni khan hri kai hmuh chhuah thar 656 an awm a, thihpui 12 an awm. Hri kai mek, active case chu 13,037-ah a tlahniam tawh bawk.

Covid-19 hri len tirh aṭangin India ramah hri kai hmuh chhuah hi mi 4,49,82,131 an awm tawh a, hri kai mek hi hri kai tawh aṭangin 0.03% an ni. Hri kai enkawl dam, recovery rate pawh 98.79% a tling leh tawh bawk a ni.

India ramah Covid hripui thihpui hi Thawhṭanni thleng khan mi 5,31,790 an awm tawh a, hri kai tawh aṭanga 1.18% an ni.

Ministry website-in a tarlan danin, nimin zing thleng khan ram pumah Covid vaccine dose vbc 220.66 pek chhuah a ni tawh bawk.