Tun thlaah Parliament building thar hawn hman tum

Prime minister Narendra Modi kaihhruai sorkar laipuiin kum kua a tlin lawmna pualin, tun thla tawp lamah Parliament building sak thar chu hawn hman tum nia sawi a ni.

Parliament building sak hna hi zawhfel a ni hnai tawh a, tun thla chawlhkar hnuhnung berah PM Modi-a hawn tir tum a ni. Narendra Modi hi kum 2014, May 26 khan Prime Minister atan lakluh a ni.

Chhawng li a sang, Parliament building thar sakna atan hian Rs vbc 970 ruahman a ni. India ram ropuina pholanna Constitution hall lian tak siam niin, dining area leh parking space zau tak siam a ni bawk. Building thar luah hnuah chuan House pahniha staff-te chuan uniform thar, National Institute of Fashion Technology (NIFT)-in a design an ha tawh dawn.

Building tharah hian kawngkhar pathum - Gyan Dwar, Shakti Dwar, leh Karma Dwar a awm dawn a, MP, VIP leh a tlawhtute tan luhna hran ṭheuh siam a ni tih official-te chuan an sawi.

PM Modi hian kum 2020, December thla khan Parliament building thar sakna tur lungphum hi a phum a ni.