Rozgar Mela hnuaiah PM-in appointment letter 71,000 sem chhuak

Prime minister Narendra Modi chuan nimin khan ram chhung hmun 45-a Rozgar Mela neihnaah, video conferencing kaltlangin sorkar hnathawk tura lak thar mi 71,000-te hnenah appointment letter a sem.

Nimina appointment letter pekte hi department hrang hrang ami te niin, sorkar laipui leh state sorkar hnuaia mite an ni.

PM Modi chuan a kaihhruai sorkarin hna lak dan kalphung a siam hnuaiah dik lo taka thiltih leh, chhungkhat laina duhsakna awm ṭhin chu tihtawp a ni ta tih sawiin, hna dilna thehluh aṭanga exam result puan thlangin online-ah en theih vek a ni tawh a ni, a ti.

Hnathawk lak tharte hian Karmayogi Prarambh hmangin online training pek leh vek an ni ang.

Sorkar laipuiin hna thar nuai 10 siam tura a ruahmannaah, nikum October 22 khan Rozgar Mela thawh khatna hi neih a lo ni tawh bawk.